特首與刁民

煲呔講嘢一向唔啱聽，
不過噚日與電台phone-in聽眾對話，
真係估佢唔到咁清醒。

好幾個聽眾打去電台呻話買唔起樓，
特首回應話啱啱出嚟做嘢就唔好奢望買中環豪宅，
可以考慮啲偏遠地區住吓先買細啲單位；
個聽眾好嫌棄咁話：吓要過海喎。
(小姐，只恨你唔係做護士，否則照顧下賭王咪有機住山頂囉)

仲有一個自稱做大律師的，
話老公係律師樓合夥人，
呻話兩公婆夾埋都買唔起樓。
阿大律師，首先你搞清楚自己想買乜嘢樓先，
你去買億億聲的豪宅，
想買天比高的，
係咪你心頭高咗啲呢？
試問邊個幫到你？
你惟有移民去啲可以貪污或者冇王法的地方囉，
咁天真咁傻，
唔怪得有嘢唔做(或者真係冇嘢做)，
走去打電話同阿特首訴衷情啦。
其實都想知係邊間律師樓添，
叫人諗清楚先好幫襯！