買樓...

看kreme質問無恥醫生為何高呼「我買不起樓」，

嗯，不如荒木嘗試剖析一下富泰醫生的心態。

優皮心態版：
我買不起樓，

因為我日日飲靚紅酒，

一星期總有幾晚要去中環hang out，
食嘢唔貴我會食到嘔，
仲要著名牌西裝褸。
所以我冇錢買樓。

菁英心態版：
我買不起樓，
因為我覺得我應該住house，
諗吓日日好多條命喺我手，
我係菁英唔好當我流，
唔住山頂至少要住西九，
唔明點解你哋要逼我將就。
我要住山頂豪華洋樓！

該醫生說：
畢業後須還學費貸款，
考專業試又要花錢，
還要給家用供保險，
最後還要交稅。
奇怪，這不是人的責任嗎？
借錢難道不用還，
因為你是人上人就不用還，
因為你是菁英就應豁免交稅？
他還說有些人可以有父母出首期還好一點....
嘩，父母欠你呀！
怪只怪自己不投胎做李澤楷細佬囉。

難怪醫療事故那麼多，
莫非因為醫生買不樓怨氣無處排解？